ԱԺ ՀՀԿ խմբակցության անդամ Համլետ Հարությունյանը «7օր»–ի հետ զրույցում պատասխանելով այն հարցին, թե արդյոք ճի՞շտ են այն տեղեկությունները, որ Երևանի քաղաքապետ Կարեն Կարապետյանը պետք է դառնա վարչապետ՝ ասել է, թե ինքը այն մասշտաբի քաղաքական կամ պետական գործիչ չէ, որ ճշգրիտ պատասխանի այդ հարցին։

–Ես կարծում եմ՝ այսօր վարչապետի փոփոխության հարց չկա և դա զուտ ասեկոսեներ են։ Բայց եթե լինի՝ ո՛չ ողբերգություն կլինի, ո՛չ էլ ինչ–որ բաներ։ Միշտ էլ պետակա համակարգում պաշտոնների փոփոխություններ լինում են, բայց դա արդեն իմ իմանալիք հարցը չէ և իմ իրավասության շրջանակներից դուրս է,–ասել է նա։

ՀՀԿ խմբակցության անդամ Լեռնիկ Ալեքսանյանն էլ նույն հարցի վերաբերյալ ասել է, թե դրանք ենթադրություններ են, իսկ ենթադրությունը անշնորհակալ գործ է։

–Ժամանակը ցույց կտա,–ասել է նա։

7or.am