Վարշավայի համալսարանի մարդաբաններն ուսումնասիրել են Լեհաստանի Թունել Վելկի քարանձավում 50 տարի առաջ հայտնաբերված քարե գործիքները և եկել այն եզրահանգման, որ դրանք պատկանել են մարդու անհետացած տեսակին: Գիտնականների աշխատանքը հրապարակվել է Scientific Reports ամսագրում:

Գիտնականների տվյալներով՝ դրանք համարվում են տարածաշրջանում երբևէ հայտնաբերված ամենահին գործիքները:

Ավելի վաղ ենթադրվում էր, որ քարանձավում հայտնաբերված գործիքների տարիքը առավելագույնը մի քանի տասնյակ հազար տարի է։ Սակայն քննությունը ցույց է տվել, որ դրանք 450 000-ից մինչև 550 000 տարվա պատմություն ունեն:

Գիտնականները ենթադրում են, որ գործիքները պատրաստվել են անհետացած մարդկային տեսակի՝ Homo heidelbergensis (Հայդելբերգյան մարդ) կողմից: Հնագետները հայդելբերգյան մարդուն համարում են նեանդերտալացիների և ժամանակակից մարդկանց վերջին ընդհանուր նախնին։

Աղբյուրը՝ news.am