ՀԱԿ համակարգող Լևոն Զուրաբյանը, պատասխանելով այն հարցին, թե հավատո՞ւմ է «Վիկիլիքսի» հրապարակումներին, ասել է.

–Փաստագրական արձանագրումները շատ արժեքավոր են, որովհետև դա արված է ոչ թե PR նպատակով, ոչ թե ինչ–որ բան ապացուցելու նպատակով, այլ դա արված է իրենց սեփական կառավարությանը ճշգրիտ և օբյեկտիվ ինֆորմացիա տալու նպատակով։ Ուստի հենց այդ առումով Միացյալ Նահանգների գաղտնազերծված զեկույցները շատ մեծ արժեք ունեն։

Նա ընդգծել է.

–Փաստերը, որոնք ներկայացված են այդ զեկույցում կեղծիքների, կոռուպցիայի մասին, դրանք փաստեր են։ Տեր–Պետրոսյանի մասին ընդամենը տրված են բնութագրումներ։ Նույն Մարի Յովանովիչը, որը տալիս էր այդ բնութագրումները, աստիճանաբար սովորեց հարգել Լևոն Տեր–Պետրոսյանին։

Իսկ վիկիլիքսյան այն հրապարակումը, որի համաձայն՝ Լևոն Տեր–Պետրոսյանն առնչություններ ունի նարկոբիզնեսի հետ, ըստ ՀԱԿ համակարգողի, հիմարություն է։

7or.am