Ինչպես հայտնում է «AFP»–ն, կիրակի գիշերը ուսանողների մի խումբ ներխուժել է «NET» պետական հեռուստաընկերության ստուդիա։

Ոստիկանության ներկայացուցիչները պատմել են, որ Աթենքում տեղակայված շինության ստուդիա է ներխուժել շուրջ 50 մարդ։ Նրանք հեռուստաընկերության ղեկավարությունից ուղիղ եթեր են պահանջել, որպեսզի իրենց բողոքն արտահայտեն բարձրագույն կրթության համակարգի փոփոխությունների վերաբերյալ։

«NET» հեռուստաընկերության ղեկավարությունը հրաժարավել  է կատարել նրանց պահանջն ու որոշում է կայացրել հետաձգել լուրերեի երեկոյան թողարկման հեռարձակումը՝ դրա փոխարեն փաստագրական ֆիլմ ցուցադրելով։ Այս կերպ հեռուստաընկերության ղեկավարաները խուսափել են 3 տարի առաջ տեղի ուենցած դեպքի կրկնությունից։ Այն ժամանակ մարդկանց խումբը լուրերի  թողարկաման ուղիղ եթերի  ժամանակ ներխուժել էր ստուդիա  և ողջ եթերով ցուցադրել փողոցային բողոքի  գործողությունների կոչեր անող պաստառները։

Կիրակի երեկոյան ոստիկանությունը նաև արցունքաբեր գազ է օգտագործել՝ Աթենքի կենտորնում գտնվող կառավարական շենքի մոտ բողոքի  գործողություններ իրականացնող մարդկանց ցրելու համար։ Ոստիկանությունն այդ քայլին դիմել  է այն բաից հետո, երբ ցուցարարները՝ շուրջ 200 մարդ, փորձել են փակել  կենտրոնական փողոցներից մեկը։ Հունաստանում բողոքի  հերթական ալիքը սկսվել է այն բանից հետո, երբ սեպտեմբերի 21–ին կառավարությունը տնտեսությունը փրկելու նոր ծրագիր է ներակայացրել, որտեղ դարձյալ թոշակների կրճատման և հարկերի  ավելացման մասին դրույթներ կան։ Այս հակաճգնաժամային ծրագրի ընդունումը պարտադիր պայման է Արժույթի միջազգային հիմնադրամից և Եվրամիությունից շուրջ 8 մլրդ եվրո վարկ ստանալու համար։