Ըստ վիճակագրական տվյալների՝ 2010թ. հունվար-հոկտեմբեր ամիսների ընթացքում Հայաստանի արտաքին ապրանքաշրջանառությունը կազմել է 3795,4 մլն դոլլար, ինչը 2009 թ. նույն ժամանակահատվածի հետ համեմատ ավել է 21%-ով։  Ըստ Հայաստանի ազգային վիճակագրական պետական ծառայության՝ դրա հետ մեկտեղ սեպտեմբերի համեմատ հոկտեմբեր ամսում ապրանքաշրջանառությունը կրճատվել է 3,1%-ով։

Միևնույն ժամանակ, հաշվետու ժամանակաշրջանում արտահանումը կազմել է 793,9 մլն դոլլար, որը 41,3%-ով ավել է նախորդ տարվա հունվար-հոկտեմբեր ամիսների ցուցանիշից, իսկ ներկրումն ավելացել է 16,7%-ով՝ կազմելով 3001,5 մլն դոլլար։