Ադրբեջան կոչվող արհեստածին կազմավորումը և նրա վարչակարգը հակաիրանական «համախմբման» բանալի օղակներից են։ Այս մասին տելեգրամյան իր ալիքում գրել է իրանագետ Վարդան Ոսկանյանը։

«Բաքվի բարբարոսական վարչախմբի քարոզչամեքենան լայնորեն լուսաբանում է Մյունխենի համաժողովում Իրանի նախկին շահի որդուն, այսպիսով փաստորեն փորձելով միջամտել իրանցիների ներքին գործերին։

Պատահական չէ, որ մյունխենյան համաժողովի լուսանցքում Իրանի նախկին շահի որդու՝ լրագրողների հետ շփման ընթացքում կադրերում երևացող չորս բարձրախոսներից ոչ ավել, ոչ պակաս երեքը Բաքվի բռնապետի քարոզչամեքենայի, իբր, լրատվամիջոցներինն են՝ «Xəzar TV», «Real TV» և «ARB», ինչը ևս մեկ անգամ փաստում է, որ Ադրբեջան կոչվող արհեստածին կազմավորումը և նրա վարչակարգը հակաիրանական «համախմբման» բանալի օղակներից են»,-գրել է Ոսկանյանը։