Այն, ինչ ասաց Բորելը, նորություն չէր, ՀՀ իշխանությունը 2022-ի հոկտեմբերի 6-ին պաշտոնապես ընդունեց, որ Արցախը ճանաչում է Ադրբեջանի մաս, դրանով նպաստեց, որ Ադրբեջանի ախորժակը մեծանա: Այս մասին Yerevan.Today-ի հետ զրույցում ասաց «Մայր Հայաստան» շարժման համակարգող Անդրանիկ Թևանյանը:

«Հայաստանը իր պետական շահերը ներկայացնող չունի, ՀՀ-ն ներկայացնող պաշտոնյան իր անձնական խնդիրներն է լուծում, նրա առաջ դրված է պայման, որ նա նյութական և անվտանգային երաշխիքներ կարող է ստանալ միայն այն դեպքում, եթե վարի հակառուսական և հակաիրանյան քաղաքականություն»,-ասաց նա: