Հայաստանի խորհրդարանի կողմից Միջազգային քրեական դատարանի Հռոմի ստատուտի վավերացումը չի ոչնչացնի Ռուսաստանի և Հայաստանի ժողովուրդների դարավոր բարեկամությունը, վստահ է Դաշնության խորհրդի փոխխոսնակ Յուրի Վորոբյովը։

Սակայն նման որոշումը ոչ բարեկամական քայլ է Ռուսաստանի նախագահ Վլադիմիր Պուտինի նկատմամբ, ընդգծել է Վորոբիևը Telegram-ի իր ալիքում։

«Վստահ եմ, որ ոչ մի ուժ չի կարողանա քանդել ռուս և հայ ժողովուրդների դարավոր բարեկամությունը»,-գրել է Վորոբյովը։

Հայաստանի խորհրդարանը երեքշաբթի կայացած նիստում վավերացրել է Միջազգային քրեական դատարանի Հռոմի ստատուտը։

«Հայ խորհրդարանականների որոշումը ոչնչացնում է կառուցողական և վստահելի հարաբերությունները, որոնք ձևավորվել են մեր ռուս-հայկական միջխորհրդարանական հանձնաժողովի աշխատանքների շրջանակում»,-եզրափակել է պատգամավորը։

Աղբյուրը՝ tert.am