Իշխանություններին մոտ կանգնած մեր աղբյուրների համաձայն, ԲՀԿ նախագահ Գ. Ծառուկյանը նեղ շրջապատում վերջերս ասել է, թե հաշվի առնելով, որ Կոտայքի մարզի ընտրատարածքներում ինքը և ԲՀԿ-ն միևնույն է միշտ բարձր տոկոսներ են ստանալու, ինքը որոշել է առաջիկա խորհրդարանական ընտրություններում այլ ընտրատարածքով ընտրվել: Ամենահավանականը համարվում է մայրաքաղաքի ընտրատարածքներից մեկը:

Խնդիրն այն է, որ բոլորը հասկանում է` ՀՀ ցանկացած ընտրատարածքում առաջադրվելու դեպքում Ծառուկյանը հաղթելու է, իսկ քանի դեռ նա չի հստակեցրել իր ընտրած տեղը, խիստ դժվարանում է ընտրատարածքների համաձայնեցումը և բաժանումը տարբեր անհատների և կուսակցությունների միջև:

Ասում են, թե Ծառուկյանի այս միտքը ոգևորել է նաև մի շարք մարզային գործարարների, որոնք հոգու խորքում համաձայն չեն ապագա խորհրդարանում չընդգրկվելու հետ և մտածում են ինքնուրույն առաջադրվելու այն տեղերում, որտեղ իրենք սովորաբար ունեն մեծ ազդեցություն: