Թուրքիայի պաշտպանության նախարարը, Տաջիկստանի ռազմական գերատեսչության ղեկավարը, ինչպես նաև ղազախ և ուզբեկ բարձրաստիճան զինվորականները Ադրբեջանում են՝ հետևելու «Մուստաֆա Քեմալ Աթաթուրք-2023» համատեղ մարտավարական զորավարժությունների ընթացքին, հաղորդում է «Թուրան» գործակալությունը։

Ադրբեջանի պաշտպանության նախարարության հաղորդագրության համաձայն՝ այսօր զորավարժություններում «Բարձրաստիճան դիտորդի օր» է հայտարարված։

АPA գործակալության հաղորդագրության համաձայն էլ`«զորախաղերի ընթացքում թուրքական F-16 կործանիչներին ինչպես նաև ուղղաթիռների և Bayraktar մակնիշի անօդաչուների միջոցով պայմանական հակառակորդին պատկանող «Իսկանդեր» և “Точка У” մարտավարական հրթիռային համակարգերի ոչնչացման իմիտացիա է իրականացվել»։

Աղբյուրը՝ tert.am