Արգենտինայի հավաքականի հարձակվող Լիոնել Մեսսին պատասխանել է ԱԱ-2026-ին իր մասնակցության մասին հարցին.

«Աշխարհի 2026թ. առաջնությո՞ւնը․․․ Հաշվի առնելով այն տարիքը, որում ես կլինեմ այդ ժամանակ, դժվար է թվում, բայց մենք կտեսնենք»,-Մեսսիի խոսքերը մեջբերում է լրագրող Ֆաբրիցիո Ռոմանոն:

Մեսսին Արգենտինայի հավաքականի կազմում իր նորամուտը նշել է 2005 թվականի օգոստոսին Հունգարիայի դեմ խաղում։

Ընդհանուր առմամբ, 36-ամյա հարձակվողն ազգային հավաքականի կազմում անցկացրել է 178 հանդիպում, խփել 106 գոլ և կատարել 56 գոլային փոխանցում։

Աղբյուրը՝ tert.am