Մեր ունեցած տեղեկություններով՝ Տարածքային կառավարման նախարար Արմեն Գևորգյանը հրաժարական է ներկայացրել։

Շրջանառվող լուրերի համաձայն՝ Ա. Գևորգյանին կփոխարինի Երևանի նախկին քաղաքապետ Գագիկ Բեգլարյանը, ում նախագահական նստավայրից մոտ մեկ տարի առաջ ստիպեցին հրաժարական տալ նախագահի արարողակարգի ներկայացուցչի հետ տեղի ունեցած միջադեպի պատճառով՝ վկայակոչելով Սերժ Սարգսյանի այն խոսքերը, թե նման արարքներն անհանդուրժելի և անընդունելի են։

Եթե Գագիկ Բեգլարյանի նշանակման լուրը հաստատվի, ապա կստացվի, որ Դոմինգոյի այցից հետո իշխանական լրատվամիջոցներով հակաքարոզչության ենթարկված Բեգլարյանն առաջիկա ԱԺ ընտրություններից առաջ Սերժ Սարգսյանի համար դարձավ հանդուրժելի և ընդունելի։