Այսօր հրավիրված մամուլի ասուլիսին ԱԺ Ժառանգություն խմբակցության անդամ Ստեփան Սաֆարյանն անդրադարձել է վերջին օրերին միմյանց հաջորդող հրաժարականներին և ներքաղաքական իրավիճակին։ «Այս բոլոր գործընթացները ենթարկված են կոալիցիոն հուշագրի պայմաններին: «Բարգավաճ Հայաստանը» ցույց է տվել, որ ունակ է ինքնուրույն ծանրակշիռ ձայներ ապահովել ու մտնել խորհրդարան: Պատահական չեն ամռանը ՀԱԿ-կոալիցիա երկխոսության ժամանակ ԲՀԿ հասցեին ՀՀԿ հնչեցրած սպառնալիքները, որ եթե իշխանություն-ՀԱԿ գործարք լիներ, ապա դա լինելու էր ԲՀԿ հասցեին: ԲՀԿ-ն կարողացավ անհաղորդ մնալ այդ շանտաժին»,–ասել է բանախոսը։