Ընտրակեղծիքների դեմ պայքարից, ժողովրդավարությունից ու մաքրամաքուր լինելուց խոսող ՔՊԿ-ն անցել է անթույլատրելի մեթոդների։

ՔՊԿ-ն՝ իր քույր խմբակցության հետ, փորձում է տարատեսակ ապօրինի մեթոդներով այնպես անել, որ ավագանու ընդդիմադիր անդամներին մանդատներից զրկի: Մանդատից զրկում են, որ հետո տրանսպորտի թանկացումը կարողանան անցկացնել:

Պարզ է, որ նրանք դա կարող են անել միայն «Հանրային ձայնից» մարդ գողանալով, կաշառելով կամ նրանց ահաբեկելով: Մենք խստորեն դատապարտում ենք իշխանության այս վարքագիծը և պատրաստ ենք տեր կանգնել ճնշումների ենթարկվող ավագանու յուրաքանչյուր անդամի:

Սա ոչ միայն բարոյապես դատապարտելի է, այլ նաև ակնհայտ հանցագործություն է, ինչը թույլ տալ չի կարելի։

Երևանի ավագանու «Մայր Հայաստան» խմբակցության անդամ Գրիգոր Իսկանդարյանի ֆեյսբուքյան էջից