Ամերիկացի հետազոտողները եկել են այն եզրակացության, որ 17-րդ դարում խորտակված բրիտանական HMS Tyger ռազմանավի մնացորդներն ընկած են Մեքսիկական ծոցի ափին՝ Ֆլորիդայի Դրայ-Տորտուգաս ազգային պարկի ջրի մակերևույթի տակ, հայտնում է NBC News-ը։

Երկար ժամանակ այս տեղանքը համարվում էր ռազմանավի հանգստավայրը, և այժմ՝ նավի պահպանված գերանները նորից ուսումնասիրելուց հետո, հնագետները «ծանրակշիռ փաստերկներ» են ներկայացրել հօգուտ այդ եզրակացության, հինգշաբթի հայտնել է Ազգային պարկերի ծառայությունը:

130 ոտնաչափ երկարությամբ HMS Tyger-ը, որը ենթադրաբար կառուցվել է 1647 թվականին, պարեկել է Ֆլորիդայի ափերի ջրերը և հետապնդել իսպանական նավերին Մեքսիկական ծոցում անգլո-իսպանական հակամարտության ընթացքում, որը հայտնի է որպես Ջենքինսի ականջի պատերազմ, որն իր անվանումը ստացել է մի միջադեպի պատճառով, որի ժամանակ՝ 1731 թ․-ին, իսպանացի նավաստիները կտրել էին նավապետ Ռոբերտ Ջենքինսի ձախ ականջը։

HMS Tiger-ը 1742 թվականի հունվարի 13-ին Ֆլորիդա-Քիսի արևմտյան ծայրամասում բախվել էր մարջանախութին:

Ըստ հնագետների նկարագրության, անձնակազմը թնդանոթներն ու խարիսխները ծով է նետել և բեռը նավախելից ապահով տեղ տեղափոխելով՝ նավի խորտակումը կանխելու անհաջող փորձ արել։ Ազգային պարկերի ծառայությունը հայտնել է, որ այն բանից հետո, երբ HMS Tyger-ը տատանվել է վատ եղանակի և այլ պատահարների պատճառով, այն շարունակել է ճոճվել, սուզվել և ջրով լցվել:

Նավապետը հրամայել է նավի վրա գտնվող մոտ 280 տղամարդկանց իր հետ լքել նավը: Այս նավը երեքից առաջինն էր, որոնք նավարկում էին բրիտանական թագի համար Ֆլորիդայի ափերի մոտ, և որոնք կորել են պատերազմի ժամանակ:

Աղբյուրը՝ news.am