1939 թվականին Ֆինլանդիայի գրադարանից վերցված գիրքը վերադարձվել է 84 տարի ուշացումով. խոսքը գրող սըր Արթուր Քոնան Դոյլի «Փախստականներ» պատմական վեպի ֆիններեն թարգմանության մասին է, որը պետք է վերադարձվեր Հելսինկիի կենտրոնական գրադարան, գրում է The Guardian-ը:

«Գրքի վերադարձի վերջնաժամկետը 1939 թվականի դեկտեմբերի 26-ն էր»,-ասել է Հելսինկիի կենտրոնական գրադարանի գրադարանավար Հայնի Սթրենդ՝ հավելելով, որ ինքը երբեք այսքան «ժամկետանց» գիրք չէր ստացել:

«Սովորաբար, երբ վերցված գրքերը վերադարձվում են տարիներ անց, նշանակում է, որ դրանք վերցնողներն արդեն մահացել են, և հարազատներն ուսումնասիրել են նրանց անձնական իրերն ու գտել գրքերը: Մարդիկ ճիշտ են անում, երբ վերադարձնում են գրքերը, քանի որ դա գրադարանի սեփականությունն է»,-ասել է Սթրենդը: