Ինչպես հաղորդում է «BBC»–ն, Ռուսգյուղվերահսկողությունը հայտնել է, որ հնարավոր է՝ Ռուսաստանում ժամանակավոր սահմանափակումներ դրվեն Տաջիկստանից ներկրվող բոլոր տեսակի բուսական արտադրանքների վրա։

Նման քայլը, ըստ նախարարության տարածած հաղորդագրության, պայմանավորված է Տաջիկստանից կարանտինի ենթակա արտադրանքի ներկրման ժամանակ միջազգային և ռուսական բուսասանիտարական պահանջների խախտմամբ։

Հիշեցնենք, սակայն, որ Ռուսաստանի և  Տաջիկստանի միջև հարաբերությունները  սրվեցին այն բանից հետո, երբ  Տաջիկստանում ձերբակալվեցին և դատապարտվեցին ռուս օդաչուները, ովքեր առանց զգուշացման հարկադրական վայրէջք էին կատարել այդ երկրի տարածքում։ Չնայած  ռուսական կողմի  կոչերին, Տաջիկստանը չհանեց օդաչուների մեղադրանքը, որից հետո Ռուսաստանը հարյուրավոր տաջիկ ներգաղթյալներ ձերբակալեց՝ արտաքսելու նպատակով։