Մամուլում լուրեր են շրջանառվում, թե առաջիկա օրերին պաշտոնից հեռանալու է Ազգային անվտանգության խորհրդի քարտուղար, «Օրինաց Երկիր» կուսակցության նախագահ Արթուր Բաղդասարյանը՝ ՕԵԿ-ի նախընտրական շտաբի աշխատանքները համակարգելու պատճառաբանությամբ։ Իսկ եթե նրան չհաջողվի ընդդիմադրի դեր խաղալ, Արթուր Բաղդասարյանը կդառնա ՀՀԿ-ի նախընտրական շտաբի պետի տեղակալի տեղակալ, ՕԵԿ-ին էլ 2-3 տեղ կտան ՀՀԿ-ի ցուցակում։

«7օր»–ի հետ զրույցում «Օրինաց երկիր» կուսակցության մամուլի խոսնակ Սուսաննա Աբրահամյանը հերքել է այս տեղեկատվությունը։

–Սա հերթական սուտն է, հերթական կեղծիքը։ Նման բան չկա։ Ես պաշտոնապես հերքում եմ,–ասել է ՕԵԿ մամուլի խոսնակը։

7or.am