Արդեն տեղեկացրել ենք, գործարար Սիլվա Համբարձումյանը ՀՀ Սյունիքի մարզպետ Սուրիկ Խաչատրյանի կողմից իր վրա հարձակվելու դեպքի կապակցությամբ ակնկալում է ՀՀ նախագահ Սերժ Սարգսյանի միջամտությունը։ Նոյեմբերի 15–ին «7օր»–ը գրավոր դիմել էր նախագահի մամուլի քարտուղարին՝ տեղեկանալու, թե ի՞նչ միջոցներ է ձեռնարկելու ՀՀ նախագահը Սյունիքի մարզպետի գործողությունների կապակցությամբ։ Արմեն Արզումանյանի գրասենյակից այսօր մեզ ասել են, որ նամակը փոխանցվել է նրան, սակայն մինչ օրս պատասխան այդպես էլ չենք ստացել։

7or.am