«Կոնգրես» հյուրանոցում կուսակցությունների արտաքին քաղաքականության ուղեգծին նվիրված քննարկման ժամանակ ԱԺ ՀՀԿ խմբակցության անդամ Արտակ Զաքարյանը նշել է, որ ՀՀ այսօրվա արտաքին քաղաքականությունը միտված է խաղաղության ապահովմանը, ներքին խնդիրների լուծմանը և բարեփոխումների գործընթացում արտաքին ուժերի գրավմանը։

–Ամենակարևոր խնդիրն այսօր ԼՂՀ խաղաղ կարգավորման գործընթացն է, դրանից ածանցված են ԼՂՀ ժողովրդի խաղաղությունը, տարածաշրջանային անվտանգությունը: Հաջորդ խնդիրը հայ-թուրքական հարաբերությունների կարգավորումն է, որը միջազգային քաղաքականության մեջ նոր հարթակներ ձեռք բերելու լավ միջոց է,–ասել է նա: