Սիրիական «ՍԱՆԱ» գործակալությունը տեղեկացնում է, որ երկրի իշխանություններն ազատ են արձակել 912 բանտարկյալի, ովքեր մասնակցում էին երկրում ծայր առած ժողովրդական հուզումներին։

«Խոսքը նրանց մասին է, ում ձեռքերն արյունոտ չեն»,–պարզաբանում է գործակալությունը։

Տեղեկացնենք, որ մի քանի հազար բանտարկյալների ազատումը սիրիական ընդդիմության գլխավոր պահանջներից մեկն է այսօր։ Առանց դրա ընդդիմությունը չի համաձայնվում գնալ երկխոսության։ Նույնը պահանջում է նաև Արաբական երկրների լիգան։

Հիշեցնենք, որ արդեն ութուկես ամիս տևող բախումների հետևանքով, ըստ ՄԱԿ–ի տվյալների, ավելի քան 3.500 մարդ է զոհվել։