Ժողովրդավարության «բաստիոն» հորջորջվող երկրի ղեկավար աշխատող Նիկոլ Փաշինյանն, ըստ ամենայնի, կամ խիստ ընտրողաբար է հասկանում ժողովրդավարության արժեքները, կամ՝ ընտրողաբար է արձագանքում դրանց խախտումներին։ Հակառակ դեպքում ի՞նչ պարզաբանում ունի նա իր կոալիցիոն գործընկեր Արամ Զավենիչի հովանավորած դեպքի վերաբերյալ, երբ քաղաքացին ենթարկվել է բռնի ճնշման, խմբակային ծեծի են ենթարկել՝ կարծիքի, դիրքորոշման և կոռուպցիոն մեխանիզմների բացահայտման համար։

Երկրում, որտեղ ազատ արտահայտվելու իրավունքը սահմանադրական երաշխիք է, քաղաքական համախոհի «թիկունքում» ծեծելու մթնոլորտը շարունակում է անպատիժ տարածվե՞լ։

Արդյոք մե՞նք ենք սխալ հասկացել ժողովրդավարության բնույթը, թե՞ Նիկոլն այն առաջնորդն է, ով դա ընկալում է որպես բառազարդ՝ արտաքին գործընկերների համար, բայց ոչ՝ իր քաղաքացիների։

Ժողովրդավարության անունից իշխանություն ստացածը պարտավոր է դատապարտել բռնությունը, անկախ նրանից՝ ում կողմից է այն իրականացվում։ Լռելն այս դեպքում մեղսակցության համարժեք է։

«Մայր Հայաստան» դաշինքի անդամ Սոնա Աղեկյանի ֆեյսբուքյան էջից