«Ինտերֆակս» գործակալությունը տեղեկացնում է, որ Վրաստանի ընդդիմությունն իշխանություններից պահանջում է ազատ արձակել ձերբակալված երեք ակտիվիստներին։ Ելութ ունենալով Վրաստանի խորհրդարանի շենքի առջև՝ ընդդիմադիր «Ազգային կուսակցության» առաջնորդ Կոբա Դավիթաշվիլին հայտարարել է. «Մեր երեք համակիրներին ազատ արձակելու համար մենք իշխանություններին ժամանակ ենք տալիս մինչև առավոտ։ Եթե այս պահանջը չկատարվի, ապա առավոտյան ինքներս կազատենք նրանց»։

Ընդդիմության վերջնագրի ժամկետը լրանում է այսօր, ժամը 17։00-ին։