Այսօր հրավիրված ասուլիսում, անդրադառնալով ղարաբաղյան հակամարտության կարգավորման գործընթացին,  «Կովկաս» ինստիտուտի տնօրեն Ալեքսանդր Իսկանդարյանը նշել է, որ այս տարի, եթե ֆորս-մաժորային իրավիճակներ չստեղծվեն, լուրջ փոփոխություններ չեն լինի։

Ինչ վերաբերում է Իրանի և Արևմուտքի, մասնավորապես, ԱՄՆ–ի լարված հարաբերություններին, քաղաքագետը կարծիք է հայտնել, որ պատերազմ դժվար թե սկսվի։ «Պարզապես ներկայիս վիճակը ԱՄՆ-ի կողմից փորձ է` ճնշելու Իրանի միջուկային ծրագրի զարգացումը։ Լարվածությունը կշարունակվի, սակայն կարծում եմ` այս ամենը պատերազմով չի ավարտվի»։