Կորեայի կենտրոնական հեռուստատեսային գործակալության տարածած մեկնաբանություններում նշվում է, որ Կորեայի Ժողովրդադեմոկրատական Հանրապետությունը (ԿԺԴՀ)  այլևս չի պատրաստվում հանդուրժել Հարավային Կորեայում ծավալված զրպարտիչ  քարոզչական արշավը.

–Բանակը և ժողովուրդը կստիպեն հարավկորեական խամաճիկային վարչակարգին թանկ վճարել ԿԺԴՀ գերագույն ղեկավարության արժանապատվությունը վիրավորելու համար։

Հատկապես Փհենյանին զայրացրել է այն տեղեկատվությունը, որ բոլոր նրանք, ովքեր չէին սգացել  Կիմ Չեն Իրի մահը, կուղարկվեն աշխատանքային ճամբարներ, իսկ բոլոր նրանք, ովքեր լացում էին թաղման արարողության ժամանակ, նախօրոք պլանավորված սցենարով էին գործում և կեղծավորությամբ։  ԿԺԴՀ–ն սա որակել է վիրավորանք Հյուսիսային Կորեայի ժողովրդի նկատմամբ։