-Շուշիի ազատագրման ամենակարևոր պայմանը հայրենասիրական ոգին էր, որն այսօր անկում է ապրել,- «Տեսակետ» ակումբում ասել է Շուշիի ազատագրման մասնակից, ՀՅԴ ԳՄ անդամ Իգոր Սարգսյանը։

-Հասարակությանն ուղորդող մարդկանց հարստանալը, դիրքը, իշխանությունն ավելի է գերել, քան թե հերոսացումը, հայրենիք  պաշտպանելը։ Իշխանավորը չի ուզում իր զավակին ծառայության ուղարկել։ Մեր բանակը բանվորագյուղացիության բանակ է դարձել։ Ստամոքսի մտածելակերպն ավելի լայն շրջանակներ է ընդգրկում, իսկ հայրենասիրությունը մնացել է փոքր հատվածի մոտ։

Ի. Սարգսյանի խոսքերով՝ պետք է գիտակցել, որ մեր անվտանգությունը սահմանների պաշտպանվածությամբ է պայմանավորված.

-Եթե դու կարողացար քո սահմանները պաշտպանել, ապա կարող ես Երևանի կենտոնում էլ հանգիստ լինել, այսինքն՝ սահմանը յուրաքանչյուր մարդու բնակարանն է։