«Քաղաքական փուչիկներ պայթեցնող համարձակներին բարեկամաբար խորհուրդ ենք տալիս չդառնալ դատարկ օդով լցված փուչիկներ, որոնք, որպես կանոն, արագորեն օդ թռչելու հատկություն ունեն»,–«Բարգավաճ Հայաստան» կուսակցության նախագահի մամուլի խոսնակ Խաչիկ Գալստյանն այսպես է արձագանքել ՀՀԿ խմբակցության քարտուղար Գագիկ Մելիքյանին, ով իր հերթին, ի պատասխան ԲՀԿ անդամ Նաիրա Զոհրաբյանի, հայտարարել էր.

«Տիկին պատգամավորն ասելիքի բացակայության պատճառով սկսել է կրկնվել և խորհուրդներ տալ, իսկ խորհուրդներ տալիս են նրանք, ովքեր ավելի շատ խորհուրդների կարիք ունեն: «Բազմահատորյակ» նվիրելու փոխարեն տիկին Զոհրաբյանը ճիշտ կանի՝ գիտակցի, որ ՀՀԿ-ում միշտ էլ կգտնվի ասեղ, որը ցանկացած պահի կարող է պայթեցնել նույնիսկ քաղաքական ամենամեծ փուչիկը»։

Նաիրա Զոհրաբյանը ՀՀԿ-ին խորհուրդ էր տվել ձեռնպահ մնալ խոսքի և գործի անհամապատասխանության մասին խոսելուց: