ՀՀ գլխավոր դատախազի հրավերով 2009 թվականի մայիսի 16-ին աշխատանքային այցով Երևան կժամանի  Չեխիայի դատախազության պատվիրակությունը՝ գլխավոր դատախազ տիկին Ռենատա Վեսեցկայի գլխավորությամբ:

Այցելության ընթացքում կքննարկվեն  Հայաստանի Հանրապետության և Չեխիայի Հանրապետության  գլխավոր դատախազությունների միջև իրավական համագործակցության  զարգացման ուղիներին վերաբերող հարցեր, ինչպես նաև  երկու պետությունների գլխավոր դատախազները  կստորագրեն համագործակցության զարգացման մասին հուշագիր:

Ռենատա Վեսեցկայի գլխավորած պատվիրակությունը կայցելի Էջմիածին, որտեղ նրանց կընդունի Ն.Ս.Օ.Տ.Տ. Ծայրագույն Պատրիարք և Ամենայն Հայոց Կաթողիկոս Գարեգին Բ-ն: Նախատեսվում է, որ պատվիրակությանը կընդունի նաև ՀՀ  նախագահը: