ՀՅԴ հայ դատի և քաղաքական հարցերի գրասենյակի պատասխանատու Կիրո Մանոյանը չի բացառում, որ Եվրատեսիլ մրցույթի ժամանակ Ինգա և Անուշ Արշակյանների ստացած ցածր միավորները պայմանավորված են Հայաստանի վարած արտաքին քաղաքականության վերաբերյալ Սփյուռքի դժգոհությամբ։

-Կա նաև մեկնաբանություն, որ կանոնները փոխվել են, ժյուրիի դերակատարությունը տարբեր է եղել, որ Թուրքիան և Ադրբեջանն աշխատել են ժյուրիի հետ։ Օրինակ, գիտեմ, որ Հունաստանի համայնքից բավականին զանգեր եղել են, բայց, փաստորեն, համարը չի արձանագրվել։ Սակայն չեմ բացառում նաև դժգոհության տարբերակը, որովհետև հատկապես ապրիլի 22-ի կապակցությամբ Սփյուռքում դժգոհություն կա,- «7օր»-ին ասել է Կ. Մանոյանը։