Մեր հասարակության շրջանում  բացասական միտումներ ունեցող երևույթների ահագնացող սրացումները բերել են հասարակության բևեռացմանը և սոցիալական ծանր վիճակի էլ ավելի վատթարացմանը: Ստեղծված իրավիճակում անհասկանալի էր «ԱԼՄ» հեռուստաընկերության եթերազրկումը, որը մեր խորին համոզմամբ հասարակության մեջ չի նպաստում ազգային համերաշխության կայացմանը:

Հաշվի առնելով այն փաստը, որ այդ հեռուստաընկերությունը ունի բավականին մեծ հեռուստալսարան, և որի զգալի մասը կազմում է մեր հասարակության սոցիալապես անապահով խավը' պատկան մարմիններին առաջարկում ենք վերանայել կայացրած որոշումը դրանով իսկ կանխել հետագա անցանկալի և անկանխատեսելի երևույթները:

                                                                      «Համերաշխություն» կուսակցության վարչություն