ՀՀ  Նախագահի  նստավայր

Պարոն  Ս. Սարգսյանին

Հարգելի  Սերժ  Ազատի,

երեկ, այնպես  էիր ոգևորվել  «Մաշտոցի  պուրակ»  քարոզչական  շոուով, որ  հերոսաբար ոտնատակ  տվեցիր ՀՀ  Սահմանադրության  5-րդ  հոդվածն  ամբողջությամբ, այն է՝ այդ  ո՞ր իրավունքով /օրենքով/  «ցուցում»  տվեցիր  Երևանի «գերանկախ» քաղաքապետին /Հ.Գ./:   

   Էլ ինչի համար  սահմանադրություն  «փոխեցինք», Ավագանու «ազատ  ու  արդար»  ընտրություններ  կազմակերպեցինք...

   Ի դեպ,  այդ ապօրինությունները  վաղուց  պետք  է  լուծած  լինեիր, այդ  թվում, պատասխանատվության պետք  է ենթարկված  լինեին  «շահագրգիռ  մեղավորները»՝ ՀՀԿ  ղեկավար  մարմնի  անդամներ Գ. Բեգլարյանը, Ե. Զաքարյանը, Վ. Այվազյանը, որոնց  հանդեպ  ճիշտ  հակառակն  ես կիրառել՝ բարձր  պաշտոնների  ես  նշանակել:

   Իսկ  նրանց մեղքերը  միայն  Աբովյանական  «բուդկաներով» չեն սահմանափակվում: Առնվազն հիշիր, գլխավոր դատախազի  խնամու  Նուշիկյանի  ապօրինությունները, որից  էլ  փորձում  ես  պատգամավոր  կերտել: Այ, «Տարոն  ջան»-իդ  առաջարկի, որ  այդ հարցով  էլ  զբաղվի  և  100-ից  ավելի  ընտանիքների  իրավունքներ  չանտեսի:

  Ինչևէ, բազմիցս  եմ    խորհուրդ  տվել, որ  ընթերցես  մեր  Սահմանադրության 14.1-րդ հոդվածն, այն է՝ բոլոր մարդիկ հավասար  են   օրենքի  առջև: Այսինքն, ամեն  «ցուցում»  չէ, որ  կարող  է   անել  պետության գլուխը, օրինակ, չի կարելի՝

-         պետական միջոցներ վատնել հօգուտ ՀՀԿական շահերի,

-         աշխատանքային պարտականություևնները  կատարելիս  ՀՀԿ քարոզել,

-         աշխատանքային այցերով  ցուցադրվել  ԶԼՄ-ներում  և  այլն:

 Այնպես  որ, խորհուրդ եմ տալիս, որ  մի  ընտրացուցում  էլ  Նուշիկյանի գործով  անես, դա  վարկանիշդ  էլ  ավելի  կբարձարցնի, քանի  որ  միաժամանակ  գլխավոր դատախազին  էլ  «ցուցում»  կստացվի...գուցե  համարձակվե՞ս: 

Հարգանքով՝         

ՀՀ  Գերագույն  խորհրդի  պատգամավոր

Ռուբեն Թորոսյան