Սենատոր Ջեյմս Ինհոֆը ԱՄՆ Սենատի արտաքին հարաբերությունների հանձնաժողովին ներկայացրել է բանաձևի օրինագիծ, որով կոչ է արվում արգելել Ուկրաինայի նախագահ Վիկտոր Յանուկովիչի, գլխավոր դատախազ Վիկտոր Պշենկոյի և ուկրաինացի մի շարք այլ պաշտոնյաների, ովքեր առնչություն ունեն Ուկրաինայի նախկին վարչապետ Յուլյա Տիմոշենկոյի ձերբակալման հետ, մուտքը Միացյալ Նահանգներ։

«ԱՄՆ Սենատը դատապարտում է քաղաքական դրդապատճառներով նախագահ Վիկտոր Յանուկովիչի վարչակազմի գործողությունները՝ ուղղված նախկին վարչապետ Յուլյա Տիմոշենկոյի դեմ, և կոչ է անում, հաշվի առնելով վերջինիս առողջական վիճակը, նրան անհապաղ ազատ արձակել»,-ասված է բանաձևի օրինագծում։