Նոր մանրամասներ են ի հայտ եկել Իտալիայի նախկին վարչապետ Սիլվիո Բեռլուսկոնիի հետ կապված սկանդալային պատմությունում։ Վերջինիս կողմից պարբերաբար կազմակերպվող «բունգա-բունգա» օրգիաներին մասնակցող աղջիկներից մեկը պատմել է, որ քաղաքական գործիչն իրեն խնդրում էր «դառնալ Բարաք Օբամա»։  «New York Post»-ի փոխանցմամբ՝ Բեռլուսկոնիի կազմակերպած խրախճանքների մշտական մասնակից Մարիստել Պոլանկոն պատմել է, որ բացի ԱՄՆ նախգահից, նա «մտել է նաև Բեռլուսկոնիի գործով զբաղվող դատախազ Հիլդա Բոկասինիի կերպարի մեջ»։ Աղջկա խոսքերով՝ Բեռլուսկոնին առանձնահատուկ հաճույք էր ստանում, երբ տեսնում էր   Հիլդայի նմանակումը իր կատարմամբ։ Ինչպես հայտնի է, Բոկասինին այն դատախազներից մեկն է, ով զբաղվում է անչափահասին այլասերելու մեղադրանքով Բեռլուսկոնիի գործով։