Այսօր` մայիսի 29-ին, ՄԱԿ խաղաղապահների միջազգային օրն է։

2002թ. ՄԱԿ-ի Գլխավոր վեհաժողովը մայիսի 29-ը հայտարարեց Խաղաղապահների միջազգային օր (International Day of United Nations Peacekeepers): Խաղաղության պահպանումը դարձել է կազմակերպության առաջատար ուղղություններից մեկը:
Խաղաղապահների գործողությունները գնալով ավելի բարդ և բազմագիծ բնույթ են ստանում: Զինծառայողները և նրանց քաղաքացիական գործընկերները համատեղ ուժերով կազմակերպում են ընտրություններ, մասնակցում են ոստիկանության և դատական համակարգի վերափոխումներին, զբաղվում են մարդու իրավունքների խրախուսմամբ և պաշտպանությամբ, հաստատում են կնոջ և տղամարդու հավասարության սկզբունքները, միջոցներ են ձեռք առնում փախստականների վերադարձի և նրանց իրենց հարազատ վայրերում վերաբնակեցնելու համար: