Քիչ առաջ ավարտվել է ՀՀԿ ԳՄ նիստը: Նիստի ընթացքում որոշում է կայացվել ԱԺ նախագահի պաշտոնը վստահել ԱԺ նախկին նախագահ Հովիկ Աբրահամյանին։ Աժ նախագահի տեղակալները կլինեն Էդուարդ Շարմազանովն ու Հերմինե Նաղդալյանը։

Որոշվել է նաև ԱԺ մշտական հանձնաժողովների նախագահների անունները։ ՀՀԿ-ական պատգամավորները ղեկավարելու են 8 մշտական հանձնաժողով: Պաշտպանության, ազգային անվտանգության եւ ներքին գործերի մշտական հանձնաժողովը կղեկավարի Կորյուն Նահապետյանը, իսկ Արտաքին հարաբերությունների մշտական հանձնաժողովը՝ Արտակ Զաքարյանը, Առողջապահության, մայրության և մանկության հարցերի մշտական հանձնաժողով՝ Արա Բաբլոյան, Գիտության, կրթության, մշակույթի, երիտասարդության և սպորտի հարցերի մշտական հանձնաժողով՝ Արտակ Դավթյան, Պետական-իրավական հարցերի մշտական հանձնաժողով՝ Դավիթ Հարությունյան, Սոցիալական հարցերի մշտական հանձնաժողով՝ Հակոբ Հակոբյան։