Ֆրանսիայի պետական ձեռնարկությունների տնօրենների աշխատավարձը կրկնակի կկրճատվի։ Երկրի նորընտիր նախագահ Ֆրանսուա Օլանդը կյանքի է կոչում իր խոստումը՝ սահմանափակել պետական պաշտոնյաների աշխատավարձերն այն հաշվարկով, որ դրանք  ամենացածր աշխատավարձերը չգերազանցեն ավելի, քան 20 անգամ։ Այս որոշումը միանգամայն համապատասխանում է Օլանդի նախընտրական այն խոստումին, թե նրանց համար, ում տարեկան եկամուտն անցնում է 1 մլն եվրոյից, եկամտահարկը կհասնի մինչև 75%–ի։