Ամերիկյան հայտնի տնտեսագետ, միլիարդատեր Ջորջ Սորոսը կարծում է, որ եվրագոտու անդամ պետությունների իշխանությունները մոտ երեք ամիս ժամանակ ունեն եվրոն փրկելու համար։ Այս մասին տեղեկացնում է «BFM.ru» կայքը։
– Այժմ մենք շրջադարձային փուլում ենք,–նշել է Սորոսը։

Ըստ տնտեսագետի՝ եվրոն փրկելու առաքելության մեջ վճռական դերակատարում պետք է ունենան Եվրոպական կենտրոնական բանկը և Բունդեսբանկը։

Միաժամանակ Սորոսը պաշտպանել է եվրագոտու անդամ՝ տնտեսական առումով  խնդրահարույց երկրներին ու նշել, որ ստեղծված ծանր տնտեսական վիճակի համար պետք է առաջին հերթին մեղադրել ԵՄ կենտրոնական իշխանություններին.

–Կենտրոնը պատասխանատու է արատավոր համակարգ ստեղծելու, անգործուն պայմանագրեր կնքելու և սխալ քաղաքականություն վարելու համար,–ասել է Սորոսը։