Այսօր Հայ ազգային կոնգրեսը խորհրդարանում իր խմբակցության անդրանիկ նիստն է հրավիրել։ Դռնփակ այդ նիստում որոշվել է հրաժարվել 12 մշտական հանձնաժողովներում իրենց հասանելիք մեկ փոխնախագահի պաշտոնից, բայց մասնակցել բոլոր հանձնաժողովների աշխատանքներին։

Ըստ նախնական տվյալների՝ Գագիկ Ջհանգիրյանը կլինի պետաիրավական հարցերի, Լյուդմիլա Սարգսյանը` սոցիալական, Հրանտ Բագրատյանը՝ ֆինանսավարկային և բյուջետային, Արամ Մանուկյանը՝ եվրաինտեգրման հարցերով մշտական հանձնաժողովներում:

ՀԱԿ խմբակցության անդամ Նիկոլ Փաշինյանն ասել է, թե համապատասխան քաղաքական պայմանների առկայության դեպքում ՀԱԿ խմբակացությունը խորհրդարանում կբարձրացնի Սերժ Սարգսյանի իմպիչմենտի հարցը, բայց դա պետք է նախ տեղի ունենա փողոցում, հետո նոր բերվի խորհրդարան և արձանագրվի։ 

7or.am