Մեկ  անգամ  ևս, արձանագրում  ենք, որ  Երևանի  Ավագանին, վատնելով հսկայական միջոցներ, բացարձակապես չի  գործում, որի  վառ  ապացույցն  է  նաև  Ավագանու  26.06.12թ.-ի  նախապատրաստումը, մասնավորապես՝

-         խախտելով  Օրենքի պահանջներն,  այդ  օրակարգի  նախագիծը  կազմել  է  քաղաքապետն,    ընդգրկելով  միայն  իր  ձևական  նախաձեռնությունները /Հ.Գ.1/, այն  էլ՝ վերջերս  հասարակական հնչեղություն  ստացած  հարցերի  պայմաններում,

-         Ավագանու  անդամներին  համառորեն  չեն  ծանոթացնում  անգամ  օրակարգի  նախագիծ   չընդունված  մյուս  նախաձեռնությունների /նախագծերի/ հետ, իսկ մեր  չորս  նախաձեռնությունները /Հ.Գ.2/ անհիմն  մերժվել  են: 

Մեր  բողոքն  ենք  արտահայտում  քաղաքապետի  սույն  ապօրինությունների  և  Ավագանու անդամների  անթաքույց  անգործության  կապակցությամբ:

Հայտարարում  ենք նաև, որ  այս  ձևով  նախապատրաստված նիստն  արդեն  իսկ  ապօրինի  է:    

 «ՀԱԿ-կուսակցությունների դաշինք» Երևանի Ավագանու  խմբակցություն   Ռ. Թորոսյան

 Հ.Գ.1 - http://www.yerevan.am/pages.php?lang=1&id=224&page_name=announc

Հ.Գ.2 –

1. Հ  Ա  Յ  Տ  Ա  Ր  Ա  Ր  ՈՒ  Թ  Յ ՈՒ  Ն

«ՄԱՇՏՈՑԻ  ՊՈՒՐԱԿ» -Ի  ԴԵՊՔԵՐԻ  ԱՌՆՉՈՒԹՅԱՄԲ

     «Մաշտոցի  պուրակ»-ի  դեպքերը  ստացան մեծ  հնչեղություն  ոչ միայն  մեր երկրում, այլև՝ նրա սահմաններից  դուրս:

      Երևանցու  իրավունքների  և ազատությունների  համար պայքարի  դուրս  եկած  բնապահպանների  ու  իրավապաշտպանների  հիրավի    արդարացի  գործունեությունն   արժանացավ  երևանցիների  գերակշռող մեծամասնության  համակրանքին  և   նրանց  շարքերն  օր-օրի  բազմապատկվեց:

      Պատահական  չէ, որ  այդ  շարժումն  արժանացավ  նաև  երկրի  ղեկավարության  գովասանքներին  և  խնդիրը  լուծվեց, սակայն  պառճառները  մնացին,               այն  են՝

     երևանցիների  իրավունքներն  ու  ազատությունները    խախտած  ոչ  մի  սուբյեկտ  պատասխանատվության  չենթարկվեց՝ սկսած  և, առաջին հերթին, Աբովյան  փողոցում  տեղադրված  ապօրինի  շինությունների  և  վերջացրած  իրավապաշտպանների  դեմ  ապօրինի  գործողությունների  հեղինակներից:

     Այդ  կապակցությամբ, Երևան  քաղաքի  Ավագանին  հայտարարում  է.

նման  մոտեցումներն ակնհայտորեն  բերում  են  ոչ  միայն  քաղաքային  իշխանության հանդեպ  երևանցիների  վստահության   անկման, այլև՝ հրահրում  են  նման  ապօրինությունների  կրկնությունը՝ «փակ  շուկա»-յի  օրինակը  դրա  վառ  ապացույցն  է:

    «Մաշտոցի  պուրակ»-ի  խնդրով  բոլոր  օրինախախտները  պետք է ենթարկվեն  պատասխանատվության, առանց  որևէ  բացառության:

 

2. «ՓԱԿ  ՇՈՒԿԱ» -Ի  ԽՆԴՐՈՎ

 ՏԵՂԱԿԱՆ ՀԱՆՐԱՔՎԵ ԱՆՑԿԱՑՆԵԼՈՒ ՄԱՍԻՆ

 

     «Փակ շուկա»-ն  ոչ միայն պատմամշակութային հուշարձան  է, այլև՝ երևանցիների, հատկապես, Կենտրոն  վարչական շրջանի  բնակիչների  կենսագործունեության  անբաժանելի  մասը:

«Փակ շուկա»-ի  լինել կամ չլինելու  հարցը  չի  կարող  կախված  լինել  որևէ  անձի  քմահաճույքներից  և  նրա ճակատագիրը  պետք  է  որոշեն  երևանցիները: 

    Այդ կապակցությամբ, Երևան  քաղաքի  Ավագանին որոշում  է.

հիմք  ընդունելով  «Երևան  քաղաքում  տեղական ինքնակառավարման մասին»    ՀՀ  օրենքի  12-րդ հոդվածի  1/22-րդ կետի  պահանջները  և  ղեկավարվելով  նույն  օրենքի          39-րդ  հոդվածի  պահանջներով՝      

Երևանի  Կենտրոն  վարչական  շրջանում,  ս.թ.  հուլիսի  2-րդ  կեսին, անցկացնել  տեղական  հանրաքվե  հետևյալ հարցերով՝

1. Համաձա՞յն  եք, որ  «Փակ շուկա»-ն  պահպանի  իր  պատմամշակութային  տեսքը,
2. Համաձա՞յն  եք, որ  «Փակ շուկա»-ն  շարունակվի օգտագործվել  որպես շուկա:

3. ՀԱՄԱՏԻՐՈՒԹՅՈՒՆՆԵՐԻ    ԳՈՐԾՈՒՆԵՈՒԹՅԱՆ ԽՆԴՐՈՎ

ՔՆՆՈՂ  ՀԱՆՁՆԱԺՈՂՈՎ  ՍՏԵՂԾԵԼՈՒ  ՄԱՍԻՆ

     Երևան  քաղաքի  Ավագանին որոշում  է.

համատիրությունների  գործունեության  օրինականության վերահսկման նպատակով,  հիմք  ընդունելով  «Երևան  քաղաքում  տեղական ինքնակառավարման մասին»    ՀՀ  օրենքի  39-րդ  հոդվածի  պահանջները՝      

1. ստեղծել  ժամանակավոր  քննող  հանձնաժողով,
2. հանձնաժողովի  նախագահ  հաստատել  Ավագանու անդամ  Ռ.Թորոսյանին,
3. հանձնաժողովի    եզրակացությունը  ներկայացնել  ս.թ.-ի  նոյեմբերին կայանալիք  Ավագանու  նիստին: 

4. ՏԵՐՅԱՆ  54/1 ՀԱՍՑԵՈՒՄ «ՆՈՒՇԻԿՅԱՆ ԱՍՈՑԻԱՑԻԱՅԻ»  ԿՈՂՄԻՑ  ԿԱՌՈՒՑԱԾ  ՇԻՆՈՒԹՅԱՆ ՀԵՏԵՎԱՆՔՈՎ  ԲՆԱԿԻՉՆԵՐԻ  ԻՐԱՎՈՒՆՔՆԵՐԻ  ԵՎ  ԱԶԱՏՈՒԹՅՈՒՆՆԵՐԻ  ԱՊԱՀՈՎՄԱՆ ՄԱՍԻՆ

     Հիմք  ընդունելով  «Երևան  քաղաքում  տեղական ինքնակառավարման մասին»    ՀՀ  օրենքի  52-րդ հոդվածի  1/2-րդ կետի  պահանջները  և  ղեկավարվելով  նույն  օրենքի 11-րդ  հոդվածի  պահանջներով՝

    Երևան  քաղաքի  Ավագանին  որոշում  է.

առաջարկել  Երևանի  քաղաքապետին  միջոցներ  ձեռնարկել  Երևանի  Տերյան  56  և  Աղայան  19 շենքերի  բնակիչների  իրավունքների  և  ազատությունների  ապահովման, այդ  թվում, համապատասխան  փոխհատուցում  ստանալու  ուղղությամբ: