Տեսախցիկ ու արագաչափ տեղադրելը մեր երկրում որոշ մարդկանց համար շահութաբեր բիզնես է։ Այս համոզման է «Աքիլլես»  ՀԿ–ի նախագահ Էդուարդ Հովհաննիսյանը։ Նրա խոսքերով՝ ՃՈ աշխատակիցները և ապահովագրական ընկերություններն այդ միջոցով հսկայական գումարներ են վաստակում, իսկ ի վերջո տուժում են խեղճ վարորդները:

Նա նշել է, որ որոշ դեպքերում ճանապարհային նշանները, արագաչափերն ու տեսախցիկները վարորդների համար տեսանելի վայրերում չեն տեղադրված։

–Ամեն օր արագության ու խաչմերուկների վերաբերյալ մոտ 1500-2000 խախտում է գրանցվում տեսախցիկներով, իսկ սա օրական մոտ 35 000 դոլար է: Սա բիզնես է՝ համագործակցված պետական մարմնի հետ։ Ստեղծել է, այսպես ասած, համատեղ բիզնես։ Ճանապարհային ոստիկանությունն ընդամենը մի հատ կնիք դնելով՝ գումար է վաստակում 30 տոկոսի չափով,–ասել է նա:

7or.am