Քաղաքական

10.07.2012 16:07


ՀՅԴ ԳՄ կազմում 6 նոր անդամ կա

ՀՅԴ ԳՄ կազմում 6 նոր անդամ կա

ՀՅԴ ԳՄ ներկայացուցիչ Արմեն Ռուստամյանը լրագրողներին հայտնել է, որ իրենց ԳՄ ժողովն անցել է անկաշկանդ մթնոլորտում, և վերահաստատվել է ամբողջական իշխանափոխության ուղեգիծը։ Իսկ ԳՄ–ում նախկին 9–ի փոխարեն ընդգրկվել է 11 անդամ՝ Արմեն Ռուստամյանը՝ որպես Գերագույն մարմնի ներկայացուցիչ, ՀՅԴ խմբակցության պատգամավորներ Արծվիկ Մինասյանը և Աղվան Վարդանյանը՝ որպես ՀՅԴ ԳՄ փոխներկայացուցիչ, ինչպես նաև Արսեն Համբարձումյանը՝ որպես ՀՅԴ ԳՄ փոխներկայացուցիչ, Միքայել Մանուկյանը, Հրաչյա Թադևոսյանը, Սպարտակ Սեյրանյանը, Ռոմիկ Մանուկյանը, Հովիկ Թադևոսյանը, Վարդան Ալեքսանյանը և Արտաշես Նիկոյանը:

ԳՄ նախկին կազմից նոր կազմում չեն ընդգրկվել Սիմոն Սիմոնյանը, Թաթուլ Հարությունյանը, Արա Նռանյանը և Հայրապետ Բաբայանը:

Այսպիսով, ԳՄ կազմում 6 նոր անդամ կա, որոնցից 5-ը երբևէ ԳՄ անդամ չի եղել։

Փոխներկայացուցիչ Արսեն Համբարձումյանը լրագրողների հետ հանդիպման ժամանակ խորհուրդ չի տվել Դաշնակցության մեջ թևեր փնտրել՝ ընդգծելով.

Դաշնակցությունը թևեր չունի, ունի առանցք: Այս ժողովը փաստեց, որ մենք միասնական դուրս եկանք: Դաշնակցությունը ծովի պես ինքնամաքրվելու հատկություն ունի, ժողովներից հետո միշտ ինքնամաքրվելով հանդարտվում են, և կառույցը հստակ իր ուղղություններով շարունակում է առաջ գնալ:

7or.am

Այս խորագրի վերջին նյութերը