Առնոլդ Շվարցնեգերը, ով հունվարի սկզբին լքել էր Կալիֆորնիայի  նահանգապետի պաշտոնը, որոշել է վերադառնալ կինոարվեստ։ «Քրոնե» ավստրիական թերթին տված հարցազրույցում նա պատմել է, որ ներկա պահին մի քանի սցենար է ուսումնասիրում։

Նրանցից մեկը, որը գրվել է դեռ 10 տարի առաջ, դերասանին հատկապես է հետաքրքրել։  Նրան առաջարկվում է խաղալ դերը գերմանացի սպայի, ով Երկրորդ համաշխարհային պատերազմի ժամանակ փրկում է գերի ընկած երեխաներին։

Շվարցենեգերի խոսքերով՝ ինքն ուզում է մասնագիտություն վերադառնալ նոր կերպարով, որը համապատասխանում է իր տարիքին։ Դերասանն այժմ 63 տարեկան է։ Սակայն չնայած ստեղծագործական կյանքին, նախկին նահանգապետը չի պատրաստվում լքել հասարակական գործունեությունը։ Նա կշարունակի զբաղվել համընդհանուր ջերմացման և շրջակա միջավայրի պաշտպանության հարցերով։