Թուրքիայի ազգային հետախուզության ծառայությունը մտադիր է պարսկերենին, հայերենին, սորանիին (քրդերենի բարնառ) և եբրայերենին տիրապետող մասնագետներ վարձել: Այս մասին գրում է «Today`s Zaman»-ը։

Թեկնածուները պետք է լինեն Թուրքիայի քաղաքացիներ, ովքեր ծառայել են բանակում: Առաջնայնությունը կտրվի այն թեկնածուներին, ովքեր կկարողանան աշխատել Թուրքիայի տարբեր շրջաններում  և ողջ աշխարհում։ Այս մասին ասվում է հետախուզության ծառայության տարածած հաղորդագրության մեջ:

Հետաքրքրական է, որ հայերենից և պարսկերենից 70 բալից ավելի հավաքած թեկնածուները կազատվեն ևս մեկ օտար լեզվից թեստ հանձնելու պայմանից: