Քաղաքագետ Ստեփան Գրիգորյանը կարծիք է հայտնել, որ Հայաստանի և Ադրբեջանի նախագահների սանկտպետերբուրգյան հանդիպումից բեկումնային որոշումներ սպասել պետք չէ։

«Կլինեն բանակցություններ, որից հետո հայկական կողմին նորից կմեղադրեն «ոչ կառուցողական» մոտեցումների համար»,- ասել է Ս. Գրիգորյանը «Հայելի» ակումբում։ Քաղաքագետի համոզմամբ կքննարկվի նաև Ղարաբաղի ժողովրդի ինքնորոշման իրավունքի և հանրաքվեի գաղափարը։ Նա համոզմունք է հայտնել, որ հայկական կողմի դիրքորոշումը շատ պարզ կլինի. «Հայ-թուրքական հարաբերությունները, էներգետիկ և տրանսպորտային հարաբերությունները չպետք է կապել բուն Ղարաբաղի հարցի հետ»։