«Ֆեյսբուք» սոցիալական ցանցում «Ազատենք Գյումրին» էջ է բացվել։ Ինչպես նշվում է՝ այս էջի առաքելություններից է Գյումրի քաղաքի հիմնախնդիրների բացահայտումը, տարածումը և լուծումը:

«Ս.թ. հուլիսի 30-ից ամեն օր թողարկելու ենք քաղաքի գլոբալ խնդիրներից մեկը, որի շուրջ իրականացվելու են քննարկումներ: Կոչ ենք անում բոլորին ակտիվորեն մասնակցել հանուն գյումրեցիների բարեկեցիկ ապագայի»,–նշված է էջի հեղինակների հայտարարության մեջ, թեև հեղինակների անունն անհայտ է։

«Ազատենք Գյումրին» գրել է նաև, որ եկել է ժամանակը՝ ազատվելու Ղուկասյանների կլանից.

«Մենք պետք է զգանք, որ մենք`գյումրեցիներս ենք մեր քաղաքի տերը: 13 տարին բավական էր, մենք ուզում ենք ազատ Գյումրիում ապրել...»։

Խումբն արդեն 1261 անդամ ունի։

7or.am