Կարմիր Խաչի ներկայացուցիչները այցելել են Հայաստանում ադրբեջանցի գերի Ֆիրուզ Միրզա օղլու Ֆարաջևին։ Վերջինս երկու նամակ է փոխանցել։ Այդ մասին հայտնել է Ադրբեջանում Կարմիր Խաչի մամլո խոսնակ Շահլա Գահրամանովան։

Հիշեցնենք, որ Ադրբեջանական բանակի զինվոր Ֆիրուզ Միրզա օղլու Ֆարաջևը այս տարվա հուլիսի 26-ին, առավոտյան ժամը 6:00-ին Թովուզի շրջանից հատելով Հայաստանի Հանրապետության սահմանը` ինքնակամ գերի էր հանձնվել հայ սահմանապահներին ` սպիտակ դրոշը ձեռքին:  Ադրբեջանցի զինծառայողի մոտ զենք չի եղել: Ադրբեջանի պաշտպանության նախարարությունը նույն օրը հաստատել էր փաստը: