Այսօր առավոտյան ԱԺ էթիկայի հանձնաժողովը սկսել է իր աշխատանքները:

Օրակարգում ընդգրկված է երեք հարց՝ հանձնաժողովի կանոնակարգի նախագծի վերաբերյալ առաջարկությունների քննարկում և հանձնաժողովի կանոնակարգի հաստատում, քաղաքացի Արթուր Զադոյանի դիմումի քննության վերաբերյալ (զեկուցող՝ Դ.Հարությունյան) և քննարկում, թե հանձնաժողովը պե՞տք է վարույթ ընդունի ԱԺ փոխխոսնակ, Հանրապետական կուսակցության մամուլի խոսնակ Էդուարդ Շարմազանովի և ՀՅԴ խմբակցության անդամ Արծվիկ Մինասյանի դեմ դիմում- բողոքը, որը ներկայացվել է «Հանրային տեղեկատվություն և գիտելիքի կարիք» (PINK Armenia) հասարակական կազմակերպությունը՝ DIY ակումբի պայթյունին հետևած պատգամավորների ելույթների կապակցությամբ: