Հոկտեմբերի 1-ից ԱՄՆ-ի Միջազգային զարգացման գործակալությունը (USAID) դադարեցնում է իր գործունեությունը Ռուսաստանում: Այդ մասին դեռևս սեպտեմբերի 18-ին հայտարարել էր ԱՄՆ պետքարտուղարության ներկայացուցիչ Վիկտորա Նուլանդը։

Ռուսական կողմը հայտնել էր, որ գործակալության առաքելության դադարեցումը պայմանավորված է վերջինիս գործունեությամբ, որը, ըստ պաշտոնական Մոսկվայի՝ փորձել է ազդել Ռուսաստանի քաղաքական գործընթացների և ոչպետական կազմակերպությունների գործունեության վրա: 
Իրենց հերթին ռուսական մի շարք հասարակական կազմակերպություններ այս որոշումը որակել էին որպես քաղաքացիական հատվածի նկատմամբ ճնշման ուժեղացում՝ ընդգծելով, որ ֆինանսավորման բացակայության հետևանքով ռուսական տասնյակ հասարակական կազմակերպությունների գործունեությունը հնարավոր է՝ սառեցվի: