Ընտրատեղամասերի ձայների 20,74%–ի հաշվարկից հետո ընդդիմադիր «Վրացական երազանք» բլոկը հավաքել է ընտրողների ձայների 54,31%–ը։

Իշխող «Միացյալ ազգային շարժում» կուսակցությունը ստացել է ձայների 40,59%–ը։

«Քրիստոնյա–դեմոկրատական միավորում» բլոկը ստացել է ձայների 2,16%–ը, սակայն խորհրդարան անցնելու համար 5% է անհրաժեշտ։

Տվյալ պահին  եղած 3766 ընտրատեղամասերից հաշվված են 778–ի տվյալները։

Հիշեցնենք, որ ընտրություններին մասնակցել է ընտրողների 61%–ը։ Ընտրություններով Վրաստանի խորհրդարան կանցնի 150 պատգամավոր, որից 77–ը՝ կուսակցական ցուցակներով, իսկ 73–ը՝ առանձին ընտրատեղամասերից։