Վրաց միլիարդատեր Բիձինա Իվանիշվիլին «Նյու թայմս»-ի հետ հարցազրույցում խոսել էր հայերի և Ջավախքի մասին։ Նրա արտահայտած մտքերը մեծ դժգոհություն էին առաջացրել հայերի շրջանում: Թեև հետո Իվանիշվիլին հանդես եկավ պարզաբանմամբ՝ նշելով, որ իր խոսքերը լրատվամիջոցը խեղաթյուրել է։

Անդրադառնալով ծավալված այս քննարկումներին՝ քաղաքագետ Հրանտ Մելիք–Շահնազարյանը նկատել է.

–Բոլորս միասին Ջախքից ենք խոսում, վրդովվում ենք և այլն, բայց ոչ մեկը չի ուզում խոստովանել, որ ինքներս ենք մեղավոր ստեղծված իրավիճակի համար: Թե՛ ջավախայերը, և թե՛ Հայաստանի իշխանությունները որևէ քայլ չեն արել Ջավախքը տարածաշրջանային քաղաքական գործոն դարձնելու համար: Եվ եթե տասը տարի առաջ Ջավախքը դեռ կարող էր քաղաքաքան պահանջներ ներկայացնել պաշտոնական Թբիլիսիին, ապա այսօր այնտեղ իրանում մնացել է միայն մեկ խնդիր՝ հայապահպանություն:

Քաղաքագետը նաև վստահ է, որ հայերը, իհարկե, ցանկացած պահի կարող են հրաժարվել Վրաստանում ապրելու մտքից, բայց հայրենի Ջավախքից երբեք չեն հրաժարվի:

7or.am